‘எனது கலி நீங்கப்பெற வேண்டும்’ என்று கோரும் இப்பாடல் திருவண்ணாமலைக்கானது.

அடிக்கு ஒற்றொழித்து 46 எழுத்துகளைக் கொண்ட பாடல்.  ஒன்று, மூன்று, ஐந்து, ஏழு, ஒன்பது, பதினொன்று ஆகிய சீர்களில் மூன்று குற்றெழுத்துகளும்; இரண்டு, நான்கு, ஆறு, எட்டு, பத்து, பன்னிரண்டு ஆகிய சீர்களில் நான்கு குற்றெழுத்துகளும் அமைந்துள்ளன.

தனன தனதன தனன தனதன

      தனன தனதன தனன தனதன

      தனன தனதன தனன தனதன             தனதான

கமரி மலர்குழல் சரிய புளகித

         கனக தனகிரி யசைய பொருவிழி

         கணைக ளெனநுதல் புரள துகிலதை    நெகிழ்மாதர்

      கரிய மணிபுர ளரிய கதிரொளி

         பரவ இணைகுழை யசைய நகைகதிர்

         கனக வளைகல நடைகள் பழகிகள்      மயில்போலத்

திமிரு மதபுழு கொழுக தெருவினி

         லலைய விலைமுலை தெரிய மயல்கொடு

         திலத மணிமுக அழகு சுழலிக         ளிதழூறல்

      திரையி லமுதென கழைகள் பலசுளை

         யெனவு மவர்மயல் தழுவு மசடனை

         திருகு புலைகொலை கலிகள் சிதறிட   அருள்தாராய்

குமர குரபர குமர குருபர

         குமர குருபர குமர குருபர

         குமர குருபர குமர குருபர              எனதாளங்

      குரைசெய் முரசமொ டரிய விருதொலி

         டமர டமடம  டமட டமவென

         குமுத திமிலைச லரிகி னரிமுத        லிவைபாட

அமரர் முநிவரு மயனு மனைவரு

         மதுகை மலர்கொடு தொழுது பதமுற

         அசுரர் பரிகரி யிரத முடைபட           விடும்வேலா

      அகில புவனமொ டடைய வொளிபெற

         அழகு சரண்மயில் புறம தருளியொ

         ரருண கிரிகுற மகளை மருவிய        பெருமாளே.