பாகிஸ்தான் இலங்கைக்கு எதிரான முதல் டெஸ்ட் போட்டியில் முதல்நாள் ஆட்டத்தில் இலங்கை அணி வலுவான நிலையில் உள்ளது. 

முதல் இன்னிங்ஸில் இலங்கை அணி 66.1 ஓவரில் 222 ரன்களை எடுத்து மொத்த விக்கெட்டுகளை இழந்தது. இலங்கை அணியில் சண்டிமால் மட்டும் சிறப்பாக விளையாடி 76 ரன்களை எடுத்தார். பெர்னாண்டோ 35 ரன்களும், மகேஷ் தீக்‌ஷணா 38 ரன்களும் எடுத்தார்கள். 

சஹாஹின் அப்ரிடி அபாரமாக பந்து வீசி 4 விக்கெட்டுகளை எடுத்தார். ஹாசன் அலி, யசிர் ஷா தலா 2 விக்கெட்டுகளை எடுத்தார்கள். 

அடுத்து ஆடிய பாகிஸ்தான் அணியில் அப்துல்லா ஷபிக் 13 ரன்களும் இமாம் உல் ஹக் 2 ரன்களுக்கும் ஆட்டமிழந்தனர். 18 ஓவரில் முதல் நாள் முடிவில் 24 ரன்களுக்கு 2 விக்கெட்டுகளை இழந்துள்ளது பாகிஸ்தான் அணி. அசார் அலி 3 ரன்களுடனும் பாபர் அசாம் 1 ரன்னுடனும் களத்தில் இருக்கின்றனர்.