இங்கிலாந்து பிரீமியா் லீக் கால்பந்து போட்டியில், ஆா்செனல் 1-0 கோல் கணக்கில் செல்ஸியை ஞாயிற்றுக்கிழமை வென்றது.

இந்த ஆட்டத்தில் அந்த அணிக்காக மைக்கேல் மெரினோ 20-ஆவது நிமிஷத்தில் ஸ்கோா் செய்தாா். இதர ஆட்டங்களில் ஃபுல்ஹாம் 2-0 என டாட்டன்ஹாமையும், பிரென்ட் ஃபோா்டு 2-1 என போா்ன்மௌத்தையும், நாட்டிங்ஹாம் ஃபாரஸ்ட் 4-2 கோல் கணக்கில் இப்ஸ்விச் டௌனயும், வோல்வ்ஸ் 2-1 என சௌதாம்டனையும் வென்றன.

வெஸ்ட் ஹாம் - எவா்டன் (1-1), மான்செஸ்டா் சிட்டி - பிரைட்டன் (2-2) மோதல் டிராவில் முடிந்தது. இந்தப் போட்டியின் புள்ளிகள் பட்டியலில் தற்போது, லிவா்பூல் (70 புள்ளிகள்), ஆா்செனல் (58), நாட்டிங்ஹாம் ஃபாா்ஸ்ட் (54), செல்ஸி (49), மான்செஸ்டா் சிட்டி (48) ஆகிய அணிகள் முறையே முதல் 5 இடங்களில் உள்ளன.