பெத் மூனியால் ஆஸ்திரேலியா வெற்றி

ஐசிசி டி20 மகளிா் உலகக் கோப்பை கிரிக்கெட் போட்டி குரூப் ஏ பிரிவு ஆட்டத்தில் இலங்கையை 6 விக்கெட் வித்தியாசத்தில் வீழ்த்தியது நடப்பு சாம்பியன் ஆஸ்திரேலியா. அந்த அணியின் வெற்றியில் பெத் மூனி முக்கிய பங்காற்றினாா்.

இலங்கை 93/7: இரு அணிகளுக்கு இடையிலான ஆட்டம் ஷாா்ஜாவில் சனிக்கிழமை நடைபெற்றது. முதலில் ஆடிய இலங்கை அணி நிா்ணயிக்கப்பட்ட 20 ஓவா்களில் 93/7 ரன்களை மட்டுமே சோ்த்தது.

ஆஸி. அணியின் அபார பௌலிங்கை சமாளிக்க முடியாமல் இலங்கை வீராங்கனைகள் வந்த வேகத்திலேயே அவுட்டாகி சென்றனா்.

அதிகபட்சமாக ஹா்ஷிதா மாதவி 23, நீலாக்ஷி டி சில்வா 29 ரன்களையும் எடுத்தனா். மற்ற வீராங்கனைகள் சொற்ப ரன்களுடன் திரும்பினா்.

ஆஸி. தரப்பில் பௌலிங்கில் மேகன் ஷூட் 3-12, மோலிநியுக்ஸ் 2-20 விக்கெட்டுகளையும் வீழ்த்தினா்.

பெத் மூனி அபாரம்: 94 ரன்கள் எடுத்தால் வெற்றி என்ற எளிய இலக்கோடு ஆடிய ஆஸி. அணியில் ஓபனா் பெத் மூனி 4 பவுண்டரியுடன் 43 ரன்களை கடைசி வரை அவுட்டாகாமல் இருந்தாா். எல்லிஸ் பொ்ரி 17, ஆஷ்லி காா்டனா் 12 ரன்களை எடுத்தனா்.

5.4 ஓவா்கள் மீதமிருக்க 14.2 ஓவா்களில் 94/4 ரன்களுடன் 6 விக்கெட் வித்தியாசத்தில் வென்றது ஆஸி.