ஆஸ்திரேலிய முன்னாள் கேப்டன் ரிக்கி பாண்டிங்கின் சாதனையை இங்கிலாந்து வீரர் ஜோ ரூட் சமன் செய்தார். மேலும், அவர் வீரேந்திர சேவாக், ஜாக் காலிஸ், ஸ்டீவ் வாக் ஆகியோரின் சாதனைகளையும் முறியடித்தார்.

இங்கிலாந்து - பாகிஸ்தான் அணிகள் மோதும் முதலாவது டெஸ்ட் போட்டி முல்தானில் நடைபெற்றுவருகிறது. இந்தப் போட்டியில் முதல் இன்னிங்ஸில் பாகிஸ்தான் அணி 556 ரன்களுக்கு ஆல் அவுட் ஆனது.

அடுத்து தனது இன்னிங்ஸைத் தொடங்கிய இங்கிலாந்து அணி 97 ஓவர்களில் 3 விக்கெட் இழப்புக்கு 481 ரன்கள் எடுத்துள்ளது. இங்கிலாந்து அணித் தரப்பில் ஜோ ரூட் 172* ரன்களும், ஹாரி புரூக் 132* ரன்களும் எடுத்துள்ளனர்.

இந்தப் போட்டியில் 150 ரன்களைக் கடந்த போது ஜோ ரூட் அதிக 150 ரன்கள் அடித்தவர் என்ற சாதனையை படைத்தார்.

டெஸ்ட் கிரிக்கெட்டில் அதிக 150* ரன்கள் அடித்தவர்கள்

1. சச்சின் டெண்டுல்கர் -20

2. பிரையன் லாரா -19

3. குமார் சங்ககரா -19

4. டான் பிராட்மேன் -19

5. எம் ஜெயவர்த்தனே -16

6. ஜோ ரூட் -15*

7. ரிக்கி பாண்டிங் -15

8. வீரேந்திர சேவாக் -14

9. ஜாக் காலிஸ் -14

10. ஸ்டீவ் வாக் -14