இந்தியா-நியூஸிலாந்து அணிகளுக்கு இடையிலான இரண்டாவது டெஸ்ட் ஆட்டத்தில் டாஸ் வென்ற நியூஸிலாந்து அணியின் கேப்டன் டாம் லாதம் பேட்டிங் தேர்வு செய்துள்ளார்.

உலக டெஸ்ட் சாம்பியன்ஷிப்பின் ஒரு பகுதியாக 3 ஆட்டங்கள் தொடா் நடைபெறும் நிலையில், பெங்களூரில் நடைபெற்ற முதல் டெஸ்ட்டில் நியூஸிலாந்து அபார வெற்றிபெற்றது. 36 ஆண்டுகள் கழித்து இந்திய மண்ணில் டெஸ்டில் நியூஸிலாந்து வென்றது.

இந்நிலையில் நியூசிலாந்து அணி உணவு இடைவேளை வரை 31ஓவர்களுக்கு 92/2 ரன்கள் எடுத்துள்ளது.

இந்தியா சார்பில் அஸ்வின் 2 விக்கெட்டுகள் எடுத்து அசத்தினார்.

டெவான் கான்வே 47 (108 பந்துகள் 5*4) ரன்களுடனும் ரச்சின் ரவீந்திரா 5 (13 பந்துகளில்) களத்தில் இருக்கிறார்கள்.

டாம் லாதம் 15, வில் யங் 18 ரன்களுக்கு அஸ்வின் ஓவரில் ஆட்டமிழந்தார்கள்.

கடந்த போட்டியில் சிறப்பாக செயல்பட்ட மாட் ஹென்றிக்குப் பதிலாக மிட்செல் சான்ட்னர் அணியில் இணைந்திருப்பது மிகப்பெரிய மாற்றமாக பார்க்கப்படுகிறது.