உலக டெஸ்ட் சாம்பியன்ஷிப் முதல் இன்னிங்ஸில் ஸ்டீவ் ஸ்மித் தான் கற்றுக்கொண்ட பாடம் குறித்து பேசியுள்ளார்.

டபிள்யூடிசி இறுதிப் போட்டி லண்டனில் நடைபெற்று வருகிறது. இதில் முதல் இன்னிங்ஸில் ஆஸி. 212-க்கு ஆல் அவுட்டானது.

இந்தப் போட்டியில் சிறப்பாக விளையாடி வந்த ஸ்டீவ் ஸ்மித் 66 ரன்களில் தெ.ஆ. அணியின் எய்டன் மார்க்ரம் ஓவரில் ஸ்லிப்பில் கேட்ச் கொடுத்து ஆட்டமிழந்தார்.

டெஸ்ட்டில் 10,000 ரன்களை கடந்த ஸ்மித் ஒரு பார்ட் டைம் (பகுதி நேர) சுழல்பந்து வீச்சாளருக்கு ஆட்டமிழந்தது ஆச்சரியத்தை ஏற்படுத்தியது.

இது குறித்து செய்தியாளர் கேட்ட கேள்விக்கு ஸ்மித் கூறியதாவது:

ஒரு பகுதி நேர சுழல் பந்துவீச்சாளரிடம் எட்ஜ் கொடுக்கக் கூடாது. (சிரிக்கிறார்). இதை எப்படி செய்தேன் என நான் இன்னமும் ஆராய்ந்து கொண்டிருக்கிறேன்.

மீண்டும் அதைச் செய்யக்கூடாது. அடுத்த எங்கள் கையில் என்ன இருக்கிறதோ (2-ஆவது இன்னிங்ஸை குறிப்பிடுகிறார்) அதைச் சரியாக செய்ய வேண்டும் என்றார்.

லார்ட்ஸ் திடலில் வெளிநாட்டு வீரர் ஒருவர் அதிகமான ரன்களை குவித்தவர்கள் பட்டியலில் ஸ்டீவ் ஸ்மித் முதலிடத்துக்கு முன்னேறியிருப்பது குறிப்பிடத்தக்கது.