ஆஸி. வீரர் டிராவிஸ் ஹெட் உலக டெஸ்ட் சாம்பியன்ஷிப்பில் வரலாற்றுச் சாதனையை நிகழ்த்தியுள்ளார்.

ஆஸி. அணி கடந்த உலக டெஸ்ட் சாம்பியன்ஷிப் இறுதிப் போட்டியில் தோற்றது. தற்போது, மே.இ.தீ. அணியுடன் 3 டெஸ்ட் போட்டிகள் கொண்ட தொடரில் விளையாடி வருகிறது.

பார்படாஸில் தொடங்கிய தொடரில் முதல் போட்டியில் ஆஸி. அணி 159 ரன்கள் வித்தியாசத்தில் வென்றது. 2-ஆவது இன்னிங்ஸில் ஹேசில்வுட்டின் 5 விக்கெட் எடுத்தது வெற்றிக்கு வித்திட்டது.

இந்தப் போட்டியில் முதல் இன்னிங்ஸில் 59, 2-ஆவது இன்னிங்ஸில் 61 என அசத்திய டிராவிஸ் ஹெட் ஆட்ட நாயகன் விருது பெற்றார்.

உலக டெஸ்ட் சாம்பியன்ஷிப் போட்டிகளில் அதிகமுறை ஆட்ட நாயகன் விருது வென்றவர்களில் முதலிடத்தில் உள்ள டிராவிஸ் ஹெட் 10 முறை என்ற மைல்கல்லை எட்டியுள்ளார்.

50 போட்டிகளில் டிராவிஸ் ஹெட் இந்த சாதனையை நிகழ்த்தியுள்ளார். 2-ஆம் இடத்தில் ஜோ ரூட் 5 முறை 65 போட்டிகளில் இந்த சாதனையை நிகழ்த்தியுள்ளதும் குறிப்பிடத்தக்கது.

டபிள்யூடிசி போட்டிகளில் ஆட்ட நாயகன் வென்றவர்கள்

1. டிராவிஸ் ஹெட் - 10 முறை

2. ஜோ ரூட் - 5 முறை

3. பென் ஸ்டோக்ஸ் - 5 முறை