தில்லி பந்துவீச்சு: முதல் வெற்றிக்கான தேடலில் குஜராத்!

2026 ஐபிஎல் தொடரின் 14ஆவது லீக் போட்டியில் தில்லி அணியும் குஜராத் அணியும் அருண் ஜேட்லி திடலில் மோதுகின்றன. இந்தப் போட்டியில் டாஸ் வென்ற தில்லி அணி பந்துவீச்சைத் தேர்வு செய்துள்ளது.

இதுவரை நடைபெற்ற 2 போட்டிகளிலும் தில்லி அணி வென்றுள்ளது. குஜராத் அணி தனது 2 போட்டிகளிலும் தோல்வியைச் சந்தித்துள்ளது. முதல் வெற்றிக்கான முனைப்பில் குஜராத் பேட்டிங் செய்யவிருக்கிறது.

டாஸ் வென்ற தில்லி அணியின் கேப்டன் அக்‌ஷர் படேல் பந்துவீச்சைத் தேர்வு செய்துள்ளார். அணியில் மாற்றமில்லை எனவும் கூறியுள்ளார்.

தில்லி அணி: கே.எல் ராகுல், பதும் நிசாங்கா, நிதிஷ் ராணா, அக்ஷர் படேல், டிரிஸ்டன் ஸ்டப்ஸ், டேவிட் மில்லர், விப்ராஜ் நிகம், லுங்கி எங்கிடி, குல்தீப் யாதவ், நடராஜன், முகேஷ் குமார்.

குஜராத் அணி: ஷுப்மன் கில், சாய் சுதர்சன், ஜோஸ் பட்லர், வாஷிங்டன் சுந்தர், க்ளென் பிலிப்ஸ், ஷாருக் கான், ராகுல் தெவாடியா, ரஷித் கான், ககிசோ ரபாடா, முகமது சிராஜ், அசோக் சர்மா.