ராஜஸ்தானுக்கு எதிரான இன்றைய ஆட்டத்தில் சிஎஸ்கே அணி கேப்டன் தோனி புதிய சாதனை ஒன்றை நிகழ்த்தவுள்ளார்.

இது அவருடைய 200-வது ஆட்டம். இதன்மூலம் ஐபிஎல் போட்டியில் 200 ஆட்டங்களில் விளையாடியுள்ள முதல் வீரர் என்கிற சாதனையை அவர் படைக்கவுள்ளார்.

ஐபிஎல் தொடங்கிய 2008 முதல் ஐபிஎல் போட்டியில் தோனி விளையாடி வருகிறார். 2016, 2017 ஆண்டுகளில் புணே அணிக்காக விளையாடினார். மற்றபடி அனைத்து ஆண்டுகளிலும் சிஎஸ்கே அணியின் கேப்டனாக விளையாடியுள்ளார்.

தோனிக்கு அடுத்த இடத்தில் உள்ளவர் ரோஹித் சர்மா. அவர் இதுவரை 197 ஆட்டங்களில் விளையாடியுள்ளார். 

ஐபிஎல்: தோனி

ஆட்டங்கள் - 199
ரன்கள் - 4568
அதிகபட்ச ரன்கள் - 84*
சராசரி - 41.52
ஸ்டிரைக் ரேட் - 137.67
அரை சதங்கள் - 23 
பவுண்டரிகள் - 306
சிக்ஸர்கள் - 215

- ஒரு கேப்டனாக 3 ஐபிஎல் கோப்பைகள்