லக்னௌ சூப்பர் ஜெயண்ட் அணிக்கு எதிரான போட்டியில் டாஸ் வென்ற கொல்கத்தா நைட் ரைடர்ஸ் பந்துவீச்சைத் தேர்வு செய்துள்ளது.

ஐபிஎல் தொடரில் கொல்கத்தா ஈடன் கார்டன்ஸ் மைதானத்தில் நடைபெறும் இன்றையப் போட்டியில் கொல்கத்தா நைட் ரைடர்ஸ் மற்றும் லக்னௌ சூப்பர் ஜெயண்ட்ஸ் அணிகள் மோதுகின்றன. இந்தப் போட்டியில் டாஸ் வென்ற கொல்கத்தா அணியின் கேப்டன் ஸ்ரேயாஸ் ஐயர் பந்துவீச்சைத் தேர்வு செய்துள்ளார். இதனையடுத்து, லக்னௌ முதலில் பேட் செய்கிறது.

லக்னௌ அணியில் சில மாற்றங்கள் செய்யப்பட்டுள்ளன. தேவ்தத் படிக்கல் மற்றும் நவீன் உல் ஹக் இன்றையப் போட்டியில் விளையாடவில்லை. அவர்களுக்குப் பதிலாக அணியில் ஷமர் ஜோசப் மற்றும் தீபக் ஹூடா சேர்க்கப்பட்டுள்ளனர். மோஷின் கானும் அணியில் சேர்க்கப்பட்டுள்ளார்.