கடின உழைப்பாளி: சஷாங்க் சிங்கினை பாராட்டிய ஸ்டெயின்!

ஐபிஎல் போட்டியின் 42-ஆவது ஆட்டத்தில் பஞ்சாப் கிங்ஸ் 8 விக்கெட்டுகள் வித்தியாசத்தில் கொல்கத்தா நைட் ரைடா்ஸை வெள்ளிக்கிழமை வென்றது.

முதலில் கொல்கத்தா 20 ஓவா்களில் 6 விக்கெட்டுகள் இழப்புக்கு 261 ரன்கள் சோ்க்க, பஞ்சாப் 18.4 ஓவா்களில் 2 விக்கெட்டுகள் இழப்புக்கு 262 ரன்கள் விளாசி வென்றது.

டி20 கிரிக்கெட் வரலாற்றில் அதிகபட்சமான சேஸிங் வெற்றியை இந்த ஆட்டத்தின் மூலம் பதிவு செய்து சாதனை படைத்தது பஞ்சாப்.

28 பந்துகளில் 68 ரன்கள் அடித்து அசத்தினார் சஷாங்க் சிங். பெயர் குழப்பத்தினால் தவறுதலாக பஞ்சாப் அணியில் எடுக்கப்பட்டு மிகவும் அசத்தலாக விளையாடி வருகிறார்.

இது குறித்து ஸ்டெயின், “சஷாங்கிற்காக சந்தோஷயமடைய முடியவில்லை. சில ஆண்டுகளுக்கு முன்பாக எங்களுடன் சன்ரைசர்ஸ் அணியுடன் இருந்தார். மிகவும் கடினமான உழைப்பாளி. சிறந்த வீரர். தன்னுடைய உழைப்பு எல்லாவற்றையும் கொடுப்பவர். எப்போதும் முகத்தில் சிரிப்பை வைத்திருப்பார். சிறப்பாக ஆடினாய் நண்பா! மிகவும் தகுதியானவர்” எனக் கூறியுள்ளார்.