2019-ஆம் ஆண்டு 12-ஆவது சீசன் ஐபிஎல் போட்டித் தொடரின் 15-ஆவது லீக் ஆட்டம் மும்பை வான்கடே கிரிக்கெட் மைதானத்தில் புதன்கிழமை நடைபெற்றது. இதில் மும்பை இந்தியன்ஸ், சென்னை சூப்பர் கிங்ஸ் அணிகள் மோதின.
இப்போட்டியில் மும்பை இந்தியன்ஸ் அணி 37 ரன்கள் வித்திாயசத்தில் வெற்றிபெற்றது. மேலும் இந்த ஆட்டத்தில் முக்கியமான 3 சாதனைகளும் நிகழ்த்தப்பட்டன.
அதிக வெற்றிபெற்ற மும்பை இந்தியன்ஸ்
இந்த வெற்றியின் மூலம் ஐபிஎல் போட்டிகளில் தனது 100-ஆவது வெற்றியை மும்பை இந்தியன்ஸ் பதிவு செய்தது. தனது 175-ஆவது ஆட்டத்தில் இந்த மைல்கல்லை எட்டியுள்ளது. மேலும் ஐபிஎல் போட்டிகளில் அதிக வெற்றிபெற்ற அணிகளில் முதலிடத்தை தக்க வைத்துக்கொண்டது.
93 வெற்றிகளுடன் சென்னை சூப்பர் கிங்ஸ் 2-ஆவது இடத்திலும், 88 வெற்றிகளுடன் கொல்கத்தா நைட் ரைடர்ஸ் 3-ஆவது இடத்திலும் உள்ளன.
விக்கெட்டுகளில் சதமடித்த டுவைன் பிராவோ
ஐபிஎல் போட்டிகளில் சென்னை சூப்பர் கிங்ஸ் அணிக்காக விளையாடி வரும் டுவைன் பிராவோ இந்தப் போட்டியில் 100-ஆவது விக்கெட்டை வீழ்த்தினார்.
4 ஆயிரம் ரன்கள் குவித்த மகேந்திர சிங் தோனி
சென்னை சூப்பர் கிங்ஸ் கேப்டன் மகேந்திர சிங் தோனி, ஐபிஎல் போட்டித் தொடரில் 4 ஆயிரம் ரன்களைக் குவித்தார்.