ஐபிஎல்-2020

காமன்வெல்த்தில் கிரிக்கெட்: ஐசிசி டி20 தரவரிசையின் முதல் 6 மகளிரணி தகுதி

DIN

துபை: ஐசிசியின் டி20 தரவரிசையில் முதல் 6 இடத்தில் இருக்கும் மகளிர் கிரிக்கெட் அணி 2022}ஆம் ஆண்டு காமன்வெல்த் விளையாட்டுப் போட்டிக்கு நேரடியாகத் தகுதிபெறும் என்று அறிவிக்கப்பட்டுள்ளது. 
காமன்வெல்த் விளையாட்டுப் போட்டியில் முதல் முறையாக, இங்கிலாந்தின் பிர்மிங்ஹாம் நகரில் 2022}ஆம் ஆண்டு நடைபெறும் சீசனில் மகளிர் டி20 கிரிக்கெட் போட்டியும் சேர்க்கப்பட்டுள்ளது.  
இந்நிலையில், அந்தப் போட்டியில் பங்கேற்பதற்கான கிரிக்கெட் அணிகளின் தகுதியை ஐசிசி மற்றும் காமன்வெல்த் விளையாட்டு சம்மேளனம் புதன்கிழமை அறிவித்தன. அதன்படி, அடுத்த ஆண்டு ஏப்ரல் 1}ஆம் தேதி நிலவரப்படி ஐசிசி தரவரிசையில் முதல் 6 இடத்தில் இருக்கும் மகளிர் கிரிக்கெட் அணிகள், போட்டியை நடத்தும் இங்கிலாந்து அணியுடன் சேர்ந்து தகுதிபெறும். தற்போதைய நிலையில் இந்திய மகளிரணி 3}ஆவது இடத்தில் உள்ளது. 
அது தவிர மீதமிருக்கும் ஒரு இடத்துக்கான அணியை தேர்வு செய்ய தகுதிப்போட்டி நடத்தப்படும் என்றும், அதவும் ஜனவரி 31, 2022}க்கு முன் நடத்தப்படும் என்றும் ஐசிசி தெரிவித்துள்ளது. 
காமன்வெல்த் விளையாட்டில் கிரிக்கெட் சேர்க்கப்பட்டது இது 2}ஆவது முறையாகும். முன்னதாக கடந்த 1998}இல் மலேசியாவின் கோலாலம்பூரில் நடைபெற்ற சீசனில் ஆடவர் கிரிக்கெட் சேர்க்கப்பட்டிருந்தது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

வேட்புமனுவுக்கு நாளையே கடைசி: அமேதி, ரே பரேலி வேட்பாளர்கள் யார்?

வாக்கு எண்ணிக்கை மையப் பணி: தலைமைக் காவலர் விபத்தில் பலி

கல்குவாரி வெடி விபத்து: மேலும் ஒருவர் கைது

ஒடிஸாவில் ஹேமந்த் சோரனின் சகோதரி போட்டி!

சூப்பா்சோனிக் ஏவுகணை உதவியுடன் தாக்கும் டாா்பிடோ ஆயுதம் வெற்றிகரமாக பரிசோதனை

SCROLL FOR NEXT