3-ஆவது பதக்க வாய்ப்பை இழந்தாா் மானு பாக்கா்
துப்பாக்கி சுடுதலில் 25 மீ. ஸ்போா்ட்ஸ் பிஸ்டல் பிரிவில் வெண்கல பதக்கம் வெல்லும் வாய்ப்பை தவறவிட்டாா் இந்தியாவின் இளம் வீராங்கனை மானு பாக்கா்.
பாரீஸ் ஒலிம்பிக் போட்டி மகளிா் துப்பாக்கி சுடுதலில் 25 மீ. ஸ்போா்ட்ஸ் பிஸ்டல் பிரிவில் வெண்கல பதக்கம் வெல்லும் வாய்ப்பை தவறவிட்டாா் இந்தியாவின் இளம் வீராங்கனை மானு பாக்கா்.
2 வெண்கலப் பதக்கம்:
துப்பாக்கி சுடுதலில் மானு பாக்கா் ஏற்கெனவே தனிநபா் 10 மீ. ஏா் பிஸ்டல், கலப்பு அணிகள் பிரிவில் 10 மீ. ஏா் பிஸ்டல் பிரிவில் சரப்ஜோத் சிங்குடன் இணைந்து 2 வெண்கலப் பதக்கங்களை வென்றுள்ளாா். இதன் மூலம் ஒரே ஒலிம்பிக் போட்டியில் 2 பதக்கங்கள் வென்ற முதல் இந்திய வீராங்கனை என்ற பெருமையையும் பெற்றாா்.
இந்நிலையில், சனிக்கிழமை மகளிா் 25 மீ. ஸ்போா்ட்ஸ் பிஸ்டல் பிரிவில் வெண்கலப் பதக்கத்துக்கான ஆட்டத்தில் ஹங்கேரியின் வெரோனிகா மேஜருடன் மோதினாா் மானு பாக்கா். அதில் கடும் சவால் நிறைந்த இப்பிரிவில் மானு சிறிது நேரம் முதலிடத்தில் இருந்தாா். மானு பாக்கா் 28 புள்ளிகளைக் குவித்த நிலையில், 5 ஷாட்களில் 2-ஐ தவறவிட்டாா். அதே நேரம் ஹங்கேரி வீராங்கனை வெரோனிகா சரியாக இலக்கை நோக்கி குண்டுகளை சுட்ட நிலையில், மூன்றாவது இடத்துடன் வெண்கலம் வென்றாா். மானு பாக்கா் 4-ஆவது இடத்தையே பெற்றாா்.
ஹாட்ரிக் பதக்கங்கள் வெல்வாா் மானு என கருதப்பட்ட நிலையில், அவா் நான்காம் இடம் பெற்றது ஏமாற்றத்தை அளித்துள்ளது.
வில்வித்தையில் தீபிகா ஏமாற்றம்:
மகளிா் தனிநபா் வில்வித்தை போட்டியில் பதக்கம் வெல்வாா் என எதிா்பாா்க்கப்பட்ட இந்தியாவின் அனுபவம் வாய்ந்த வீராங்கனை தீபிகா குமாரி காலிறுதியில் தோல்வியடைந்து வெளியேறினாா்.
காலிறுதிச் சுற்றில் தென்கொரியாவின் சுஹியோன் நாமுடன் மோதிய தீபிகா 4-2 என முன்னிலை பெற்றிருந்த நிலையில், சில தவறான செயல்பாடுகளால் 4-4 என முன்னிலையை இழந்தாா். நான்கு செட்களுக்கு பின் 4-4 என இருந்த நிலையில், தொடா்ச்சியான சிறப்பான செயல்பாட்டால் நாம் 6-4 என வென்று அரையிறுதிக்கு தகுதி பெற்றாா். கடந்த ஏப்ரல் மாதம் ஷாங்காயில் நடைபெற்ற உலகக் கோப்பையில் நாமை வென்று வெள்ளி வென்றிருந்தாா் தீபிகா. இத்தோடு வில்வித்தையில் இந்தியாவின் பங்களிப்பு முடிந்தது.
ராஜிநாமா செய்தாா் இந்திய பாட்மின்டன் பயிற்சியாளா்:
பாட்மின்டன் ஆடவா் இரட்டையா் பிரிவில் இந்திய நட்சத்திர வீரா்கள் சாத்விக்-சிராக் இணை பதக்கம் வெல்லாமல் வெளியேறியது. இதனால் அவா்களின் பயிற்சியாளரான மத்தியாஸ் போ பயிற்சியாளா் பதவியில் இருந்து ராஜிநாமா செய்தாா். இரட்டையா் காலிறுதியில் மலேசிய இணையிடம் தோற்று வெளியேறியது இந்திய இணை. 2012 லண்டன் ஒலிம்பிக்ஸில் மத்தியாஸ் போ வெள்ளி வென்றிருந்தாா்.
கடந்த டோக்கியோ ஒலிம்பிக் போட்டியில் இந்திய பயிற்சியாளராக நியமிக்கப்பட்டாா். பாரீஸ் ஒலிம்பிக்கில் தங்கம் வெல்வா் எனக் கருதப்பட்ட சாத்விக்-சிராக் காலிறுதியோடு வெளியேறியது அதிா்ச்சி அளித்தது. இனிமேல் பயிற்சி அளிக்கப்போவதில்லை எனக் கூறிவிட்டாா் போ.