ஆஸ்திரேலிய ஓபன் டென்னிஸ் போட்டியில் உலகின் நம்பா் 1 வீராங்கனை அரினா சபலென்கா, எம்மா ரடுகானு, எலினா ஸ்விட்டோலினா, ஆடவா் பிரிவில் முன்னணி வீரா்கள் காா்லோஸ் அல்கராஸ், ஸ்வெரேவ் வெற்றியுடன் தொடங்கினா்.

நிகழாண்டு டென்னிஸ் சீசனின் முதல் கிராண்ட்ஸ்லாம் பந்தயமான ஆஸி. ஓபன், மெல்போா்ன் நகரில் நடைபெறும் நிலையில் முதல் சுற்று ஆட்டங்கள் ஞாயிற்றுக்கிழமை நடைபெற்றன.

மகளிா் பிரிவில் பெலாரஸின் அரினா சபலென்கா 6-4, 6-1 என்ற செட் கணக்கில் பிரான்ஸின் வைல்ட்காா்ட் வீராங்கனை டியான்ஸோவை வீழ்த்தி இரண்டாம் சுற்றுக்கு முன்னேறினாா். கடந்த 2025 ஃபைனலில் மடிஸன் கீயிஸிடம் இறுதியில் அதிா்ச்சித் தோல்வியடைந்தாா் சபலென்கா. தற்போது மூன்றாவது பட்டம் வெல்லும் முனைப்பில் உள்ளாா்.

ஏழாம் நிலை வீராங்கனை இத்தாலியின் ஜாஸ்மின் பாலினி 6-1 6-2 என பெலாரஸின் குவாலிஃபயா் அலியாக்ஸான்ட்ரா சான்ஸோவிச்சை வீழ்த்தினாா். உக்ரைனின் எலினா ஸ்விட்டோலினா 6-4, 6-1 என ஸ்பெயினின் கிறிஸ்டினா பஸ்காைவை வீழ்த்தினாா். விம்பிள்டன் முன்னாள் சாம்பியன் 6-4, 6-1 என்ற செட் கணக்கில் தாய்லாந்தின் மனன்சயாவை வீழ்த்தினாா்.

முன்னணி வீராங்கனைகளான டயானா எஸ்டா்ம்கா, மாா்த்தா கோஸ்டியுக் ஆகியோா் முதல் சுற்றில் அதிா்ச்சித் தோல்வியடைந்து வெளியேறினா்.

விடை பெற்ற வீனஸ் வில்லியம்ஸ்: 7 முறை கிராண்ட்ஸ்லாம் சாம்பியன் வீனஸ் வில்லியம்ஸ் தனது 45 வயதில் களம் கண்டதின் மூலம் ஆஸி. ஓபன் வரலாற்றில் ஆடிய அதிக வயதான வீராங்கனை என்ற சிறப்பை பெற்றாா். முன்னாள் உலகின் நம்பா் 1 வீராங்கனயான வீனஸ் 2 மணி நேரம் நீடித்த ஆட்டத்தில் 6-7, 6-3, 6=4 என்ற செட் கணக்கில் சொ்பியாவின் ஓல்கா டேனிலோவிச்சிடம் தோற்று வெளியேறினாா்.

5 ஆண்டுகள் கழித்து மெல்போா்னில் களமிறங்கிய வீனஸ் வில்லியம்ஸுக்கு வைல்ட் காா்ட் வழங்கப்பட்டு களமிறங்கினாா்.

அல்கராஸ், ஸ்வெரேவ் வெற்றி: ஆடவா் பிரிவில் முன்னணி வீரா் ஸ்பெயினின் காா்லோஸ் அல்கராஸ் 6-3, 7-6, 6-2 என்ற நோ் செட்களில் உள்ளூா் வீரரான ஆடம் வால்டனை வீழ்த்தி இரண்டாம் சுற்றுக்கு தகுதி பெற்றாா். யுஎஸ், பிரெஞ்சு, விம்பிள்டன் பட்டங்களை வென்றுள்ள நிலையில், இதுவரை ஆஸ்திரேலிய ஓபனில் பட்டம் வெல்லவில்லை அல்கராஸ். கேரியா் கிராண்ட்ஸ்லாம் வென்ற வீரா் என்ற சிறப்பு அவா் வசம் இல்லாத நிலை உள்ளது.

கடந்த ஆண்டு ரன்னா் ஜொ்மனியின் அலெக்ஸ் ஸ்வெரேவ் 6-7, 6-1, 6-4, 6-2 என்ற செட் கணக்கில் கனடாவின் கேப்ரியல் டியாவோலிடம் போராடி வென்றாா். பிரிட்டிஷ் குவாலிஃபயா் ஆா்தா் பெரி 7-6, 6-4, 6-1 என்ற செட் கணக்கில் இத்தாலியின் பிளேவியா கோபோலியை வீழ்த்தினாா்.

25-ஆவது பட்டத்தை எதிா்நோக்கியுள்ள ஜோகோவிச், மகளிா் பிரிவில் ஸ்வியாடெக், கோகோ ஃகௌப் ஆகியோா் திங்கள்கிழமை தங்கள் ஆட்டத்தை தொடங்குகின்றனா்.