ஷிகர் தவன் அதிரடி: சென்னைக்கு 180 ரன்கள் வெற்றி இலக்கு

11-ஆவது சீசன் ஐபிஎல் போட்டித் தொடரின் 46-ஆவது லீக் ஆட்டம் ஞாயிற்றுக்கிழமை மாலை 4 மணிக்கு தொடங்கி நடைபெற்றது. புணேவில் நடைபெற்ற இப்போட்டியில் சென்னை சூப்பர் கிங்ஸ், சன்ரைஸர்ஸ் ஹைதராபாத் அணிகள் மோதின.

இதில் டாஸ் வென்ற சென்னை சூப்பர் கிங்ஸ் கேப்டன் மகேந்திர சிங் தோனி பந்துவீச்சை தேர்வு செய்தார். இதையடுத்து களமிறங்கிய சன்ரைஸர்ஸ் ஹைதராபாத் அணி 20 ஓவர்களின் முடிவில் 4 விக்கெட் இழப்புக்கு 179 ரன்கள் எடுத்தது.

சிறப்பாக ஆடிய துவக்க வீரர் ஷிகர் தவன், 49 பந்துகளில் 10 பவுண்டரி, 3 சிக்ஸர்கள் உட்பட 79 ரன்கள் விளாசினார். கேப்டன் கேன் வில்லியம்ஸன் 39 பந்துகளில் 5 பவுண்டரி, 2 சிக்ஸர்களுடன் 51 ரன்கள் சேர்த்தார். சென்னை தரப்பில் ஷர்துல் தாக்கூர் 2 விக்கெட்டுகளையும், தீபக் சாஹர் மற்றும் பிராவோ தலா 1 விக்கெட் எடுத்தனர்.