பத்தாவது சீசன் ஐபிஎல் கிரிக்கெட் தொடரிலிருந்து ரைஸிங் புணே சூப்பர்ஜயன்ட்ஸ் வீரர் அஸ்வின் விலகியுள்ளார். அவருக்குப் பதிலாக தமிழக வீரர் வாஷிங்டன் சுந்தர் சேர்க்கப்பட்டுள்ளார்.

அஸ்வின், "ஸ்போர்ட்ஸ் ஹெர்னியா' (அடிவயிற்றுப் பகுதியில் லேசான தசை கிழிவு) பிரச்னையால் பாதிக்கப்பட்டுள்ளார். அதிலிருந்து குணமடைய 6 முதல் 8 வாரங்கள் வரை ஓய்வு அவசியமாகும். அதனால் ஐபிஎல் போட்டியிலிருந்து விலகியிருக்கிறார். அவர், சாம்பியன்ஸ் டிராபி போட்டிக்கு முன்னதாக பூரண குணமடைந்து விடுவார் என எதிர்பார்க்கப்படுகிறது.

இந்நிலையில் அஸ்வினுக்குப் பதிலாக 17 வயது தமிழக வீரர் வாஷிங்டன் சுந்தர் புணே அணியில் சேர்க்கப்பட்டுள்ளார். இடது கை பேட்ஸ்மேனான சுந்தர், ஒரு ஆல்ரவுண்டரும்கூட. சுழற்பந்துவீச்சிலும் தன் திறமையை நிரூபித்ததால் புணே அணியால் தேர்வு செய்யப்பட்டுள்ளார்.