இந்தியாவுக்கு எதிரான முதல் ஒருநாள் கிரிக்கெட் ஆட்டத்தில் இலங்கை 7 விக்கெட்டுகள் வித்தியாசத்தில் வெற்றி கண்டது. இதையடுத்து 3 ஆட்டங்களைக் கொண்ட ஒருநாள் தொடரில் அந்த அணி 1-0 என முன்னிலை வகிக்கிறது. ஹிமாசல பிரதேச மாநிலம் தர்மசாலாவில் ஞாயிற்றுக்கிழமை நடைபெற்ற இந்த ஆட்டத்தில் முதலில் பேட் செய்த இந்தியா 38.2 ஓவர்களில் 112 ரன்களுக்கு சுருண்டது. அடுத்து பேட் செய்த இலங்கை 20.4 ஓவர்களில் 3 விக்கெட் இழப்புக்கு 114 ரன்கள் எடுத்து வென்றது.

இந்நிலையில் இரண்டாவது ஒருநாள் போட்டி மொஹலியில் நாளை நடைபெறுகிறது. காலை 11.30 மணிக்குத் தொடங்குகிறது. 

இப்போட்டிக்காகத் தீவிர வலைப்பயிற்சியில் ஈடுபட்டுள்ள இந்திய அணியினரின் புகைப்படங்கள் வெளியாகியுள்ளன.