டெஸ்ட்: கேப்டன் விராட் கோலியின் விநோத சாதனை!

தென் ஆப்பிரிக்க அணிக்கு எதிரான மூன்றாவது மற்றும் கடைசி டெஸ்ட் போட்டி ஜோஹன்னஸ்பர்க் மைதானத்தில் தொடங்கியுள்ளது.

இந்திய அணியில் சில மாற்றங்கள் செய்யப்பட்டுள்ளன. ரோஹித் சர்மாவுக்குப் பதிலாக ரஹானேவும் அஸ்வினுக்குப் பதிலாக புவனேஸ்வர் குமாரும் அணியில் இடம்பெற்றுள்ளார்கள். பார்தீவ் படேல் இந்த டெஸ்டிலும் இடம்பெற்றுள்ளார். பாண்டியா உள்ளிட்ட 5 வேகப்பந்துவீச்சாளர்களுடன் இந்திய அணி களமிறங்கியுள்ளது. 

இன்றைய டெஸ்டில் இரு மாற்றங்களைச் செய்ததன் மூலம் இந்திய கேப்டன் விராட் கோலி விநோத சாதனைக்கு ஆளாகியுள்ளார். இது அவர் தலைமை வகிக்கும் 35-வது டெஸ்ட். இந்த 35 டெஸ்டுகளிலும் அவர் அணியில் ஏதாவதொரு மாற்றம் நிகழ்ந்துள்ளது. சமீபத்தில் அணியில் இடம்பிடித்த பாண்டியா, பூம்ரா மட்டுமே இதுவரை அணியிலிருந்து நீக்கப்படவில்லை. அதேபோல விக்கெட் கீப்பர் சாஹாவும். இதர வீரர்கள் அனைவருமே அணியிலிருந்து பல்வேறு காரணங்களால் நீக்கப்பட்டுள்ளார்கள். இதனால் அணியில் தொடர்ச்சியாக மாற்றங்கள் செய்த கேப்டன்கள் பட்டியலில் முதலிடம் பிடித்துள்ளார் விராட் கோலி.

டெஸ்ட் அணியில் தொடர்ச்சியாக மாற்றம் செய்த கேப்டன்கள்

35 - விராட் கோலி 
34 - முஷ்ஃபிகர் ரஹிம் 
31 - ரே இல்லிங்வொர்த் 
25 - வாசிம் அக்ரம்