விராட் கோலிக்கு பாலி உம்ரிகர் விருது: பிசிசிஐ அறிவிப்பு!

பிசிசிஐ சார்பில் வழங்கப்படும் கடந்த இரு ஆண்டுகளுக்கான பாலி உம்ரிகர் விருதுக்கு, இந்திய அணி சார்பில் சிறந்த சர்வதேச கிரிக்கெட் வீரராகச் செயல்பட்ட விராட் கோலி தேர்ந்தெடுக்கப்பட்டுள்ளார்.

உள்ளூர் மற்றும் சர்வதேச அளவிலான கிரிக்கெட் போட்டிகளில் சாதித்து வரும் இளம் மற்றும் மூத்த வீரர்களுக்கு, பிசிசிஐ ஆண்டுதோறும் பல்வேறு பிரிவுகளில் விருது வழங்கி வருகிறது. 

கடந்த இரு ஆண்டுகளிலும் (2016-17 & 2017-18) சிறப்பாக செயல்பட்ட வீரர்கள் தேர்ந்தெடுக்கப்பட்டுள்ளார்கள். ஜூன் 12-ம் தேதி பெங்களூரில் விருது வழங்கும் விழா நடைபெறும்.

மகளிர் பிரிவில், சிறந்த சர்வதேச கிரிக்கெட் வீராங்கனைகளாகச் செயல்பட்ட ஹர்மண்ப்ரீத் கெளர், ஸ்மிருதி மந்தனா ஆகியோர் தேர்ந்தெடுக்கப்பட்டுள்ளார்கள். 

பாலி உம்ரிகர் விருது பெற்றவர்கள்

விராட் கோலி (5 முறை: 2011/12, 2014/15, 2015/16, 2016/17, 2017/18)
சச்சின் டெண்டுல்கர் (2 முறை: 2006/07, 2009/10)
சேவாக், 2007/08
கெளதம் கம்பீர், 2008/09
ராகுல் டிராவிட், 2010/11
அஸ்வின், 2012/13
புவனேஸ்வர் குமார், 2013/14