நாடு முழுவதும் பாலியல் துன்புறுத்தல்கள் தொடர்பாக மீ டூ புகார்கள் குவிந்து வரும் சூழலில் அப்போது முதலே தான் ஒரு ஜென்டில்மேன் என்பதை ராகுல் டிராவிட் நிரூபித்துவிட்டார்.

தற்போது சமூக வலைதளங்களில் வைரலாகப் பரவி வரும் அந்த விடியோ பதிவில், தனியார் தொலைக்காட்சி சேனல் ஒன்றுக்கு பேட்டியளித்த போது அந்த குறும்புத்தனம் (பிராங்) நடத்தப்பட்டது. அதில், பேட்டி முடிந்த பின்னர் ஸ்பை கேமரா மூலம் படமாக்கப்பட்ட அந்த காட்சியில் ராகுல் டிராவிட் அருகில் செல்லும் அந்த இளம் பெண் நிருபர் தன்னை மணந்துகொள்ளுமாறு வற்புறுத்துகிறார்.

ஆனால், ராகுல் டிராவிட் அந்த இடத்தை விட்டு உடனடியாக கிளம்ப முற்படுகிறார். பின்னர் அது ஒரு பிராங் என்று விளக்கமளிக்கப்படுகிறது. இந்நிலையில், சமீபத்தில் அளித்த பேட்டி ஒன்றில், அந்த விடியோ பதிவை நீங்கள் அனைவரும் பார்த்திருப்பீர்கள். அதை நினைத்தால் சிரிப்பாக வருகிறது. இருப்பினும் நான் அப்படி கடிந்துகொள்ளமால் மென்மையுடன் மறுப்பு தெரிவித்து வெளியேறி இருக்கலாம் என்று ராகுல் டிராவிட் தெரிவித்திருந்தார்.