ஏப்ரல் 1, 2019 நிலவரப்படி ஐசிசி டெஸ்ட் தரவரிசையில் முதலிடத்தைத் தக்கவைத்துள்ள இந்திய கிரிக்கெட் அணிக்கு ஐசிசியின் தண்டாயுதமும் பரிசுத்தொகையான 6.93 கோடியும் கிடைக்கவுள்ளன.

இதற்கான அறிவிப்பை ஐசிசி இன்று வெளியிட்டுள்ளது. இதையடுத்து தொடர்ச்சியாக இந்த மூன்று வருடங்களாக நெ.1 டெஸ்ட் அணியான இந்திய அணிக்கு ஐசிசி டெஸ்ட் சாம்பியன்ஷிப் தண்டாயுதம் கிடைத்து வருகிறது. நியூஸிலாந்து அணிக்கு 2-ம் இடம் கிடைத்துள்ளது. 

ஐசிசி டெஸ்ட் சாம்பியன்ஷிப் தண்டாயுதத்தை மீண்டும் பெறுவது பெருமைக்குரியதாக உள்ளது. எல்லாவகையான கிரிக்கெட் ஆட்டங்களிலும் இந்திய அணி சிறப்பாக விளையாடி வந்தாலும் டெஸ்ட் கிரிக்கெட்டில் முதலிடம் பிடிப்பது என்பது கூடுதல் மகிழ்ச்சியை அளிக்கிறது என்று கூறியுள்ளார் விராட் கோலி.