நியூஸிலாந்துச் சுற்றுப்பயணத்துக்குப் பிறகு உள்ளூரில் ஆஸ்திரேலியாவுக்கு எதிராக இரு டி20 மற்றும் ஐந்து ஒருநாள் ஆட்டங்களில் இந்திய அணி விளையாடவுள்ளது.
நியூஸிலாந்தில் சுற்றுப்பயணம் செய்த இந்திய அணி ஏற்கஎனவே ஒருநாள் தொடரை 4-1 என்ற கணக்கில் கைப்பற்றியது. இதன் தொடர்ச்சியாக 3 ஆட்டங்கள் கொண்ட டி20 தொடர் நடைபெற்றது. முதல் ஆட்டத்தில் நியூஸி. 80 ரன்கள் வித்தியாசத்திலும், இரண்டாவது ஆட்டத்தில் 7 விக்கெட் வித்தியாசத்தில் இந்தியாவும் வென்றன. மூன்றாவது மற்றும் கடைசி டி20 ஆட்டத்தை 4 ரன்கள் வித்தியாசத்தில் த்ரில் வெற்றி பெற்ற நியூஸிலாந்து, தொடரையும் 2-1 என கைப்பற்றியது.
இதையடுத்து அடுத்த வாரம் முதல் ஆஸ்திரேலியாவுக்கு எதிரான டி20 மற்றும் ஒருநாள் தொடர்கள் ஆரம்பிக்கவுள்ளன. இதற்கான இந்திய அணி இதுவரை அறிவிக்கப்படவில்லை. தொடரின் அட்டவணை:
டி20 தொடர்
முதல் டி20 - பிப்ரவரி 24, விசாகப்பட்டினம் (இரவு 7.00 மணி)
2-வது டி20 - பிப்ரவரி 27, பெங்களூர் (இரவு 7.00 மணி)
ஒருநாள் தொடர்
முதல் ஒருநாள் -மார்ச் 2, ஹைதராபாத் (மதியம் 1.30 மணி)
2-வது ஒருநாள் - மார்ச் 5. நாகபுரி (மதியம் 1.30 மணி)
3-வது ஒருநாள் - மார்ச் 8, ராஞ்சி (மதியம் 1.30 மணி)
4-வது ஒருநாள் - மார்ச் 10, சண்டிகர் (மதியம் 1.30 மணி)
5-வது ஒருநாள் - மார்ச் 13, தில்லி (மதியம் 1.30 மணி)