இந்தியா, ஆஸ்திரேலியா இடையிலான முதல் ஒருநாள் போட்டி 
சிட்னியில் சனிக்கிழமை நடைபெற்று வருகிறது. இதில் டாஸ் வென்ற ஆஸ்திரேலிய கேப்டன் ஆரோன் பின்ச் பேட்டிங்கை தேர்வு செய்தார். முன்னதாக இவ்விரு அணிகளுக்கு இடையில் நடைபெற்ற பார்டர்-கவாஸ்கர் டெஸ்ட் தொடரை இந்திய அணி 2-1 எனக் கைப்பற்றி சாதனைப் படைத்தது.

முதல் ஒருநாள் போட்டிக்கான இரு அணிகளின் வீரர்கள் விவரம் பின்வருமாறு:

இந்திய அணி விவரம்:

ஷிகர் தவன், ரோஹித் ஷர்மா, விராட் கோலி (கேப்டன்), அம்பத்தி ராயுடு, தினேஷ் கார்த்திக், மகேந்திர சிங் தோனி (விக்கெட் கீப்பர்), ரவீந்திர ஜடேஜா, குல்தீப் யாதவ், புவனேஸ்வர் குமார், முகமது ஷமி, கலீல் அகமது.

ஆஸ்திரேலிய அணி விவரம்:

ஆரோன் பின்ச் (கேப்டன்), அலெக்ஸ் கரே, உஸ்மான் கவாஜா, ஷான் மார்ஷ், பீட்டர் ஹேன்ட்ஸ்கோம்ப், மார்கஸ் ஸ்டாய்னிஸ், கிளென் மேக்ஸ்வெல், நாதன் லயன், பீட்டர் சிடில், ஹை ரிச்சர்ட்சன், ஜேசன் பெர்ஹென்டர்ப்.

பிக் பேஷ் போட்டியில் கடந்த 2 ஆண்டுகளாக மூத்த வீரர் பீட்டர் சிடில் அபாரமாக ஆடி வருவதால், 8 ஆண்டுகள் கழித்து ஒரு நாள் அணியில் மீண்டும் இடம் பிடித்துள்ளார்.