புகழ்பெற்ற லார்ட்ஸ் மைதானத்தில் இங்கிலாந்துக்கு எதிராக நான்கு நாள் டெஸ்ட் ஆட்டத்தை நாளை முதல் விளையாடவுள்ளது அயர்லாந்து அணி.

அந்த அணி விளையாடவுள்ள 3-வது டெஸ்ட் இது. இதுவரை விளையாடிய இரு டெஸ்டுகளிலும் அயர்லாந்து அணி தோல்வியடைந்துள்ளது.

இங்கிலாந்து அணியிலிருந்து காயம் காரணமாக ஜேம்ஸ் ஆண்டர்சன் விலகியுள்ளார். இதனால் ஆகஸ்ட் 1 அன்று தொடங்கவுள்ள ஆஷஸ் டெஸ்டில் அவர் விளையாடுவது சந்தேகம் எனத் தெரிகிறது. பென் ஸ்டோக்ஸ், ஜாஸ் பட்லர், ஆர்ச்சர் ஆகியோருக்கு ஓய்வு அளிக்கப்பட்டுள்ளது. நாளைய ஆட்டத்தில் ஜேசன் ராய் டெஸ்ட் கிரிக்கெட்டுக்கு அறிமுகமாகவுள்ளார். ராய் - பர்ன்ஸ் தொடக்க வீரர்களாகக் களமிறங்குவார்கள்.