ஆப்கானிஸ்தானுக்கு எதிரான ஆட்டத்தில் மகேந்திர சிங் தோனி, கேதர் ஜாதவ் பேட்டிங் திருப்திகரமாக இல்லை. அவர்கள் ரன்குவிப்பு ஆமை வேகத்தில் இருந்தது.

குறிப்பாக தோனி போன்ற மூத்த வீரர் ரன்குவிக்கும் பொறுப்புணர்வை எடுத்துக்கொண்டிருக்க வேண்டும். இந்தியா நேர்மறை ஆட்டத்தை வெளிப்படுத்த தவறிவிட்டது என்று கிரிக்கெட் ஜாம்பவான் சச்சின் டெண்டுல்கர் விமர்சித்திருந்தார். 

இந்நிலையில், சச்சின் டெண்டுல்கரை தோனியின் ரசிகர்கள் சமூக வலைதளங்களில் கடுமையாக வசைபாடி வருகின்றனர்.

2019 உலகக் கோப்பையில் இதுவரையிலான ஆட்டங்களில் தோனி முறையே 28, 1, 27, 34 ரன்கள் மட்டுமே எடுத்துள்ளார். அதிலும் ஆப்கானிஸ்தானுக்கு எதிரான போட்டியில் தோனி 52 பந்துகளில் 28 ரன்கள் சேர்த்திருந்தது குறிப்பிடத்தக்கது.