ஆசிய கலப்பு அணிகள் பாட்மிண்டன் சாம்பியன் போட்டியில் இந்திய அணி தோல்வியை சந்தித்தது.
ஹாங்காங்கில் நடைபெற்று வரும் இப்போட்டியின் ஒரு பகுதியாக புதன்கிழமை நடைபெற்ற குரூப் பி பிரிவு ஆட்டம் ஒன்றில் சிங்கப்பூரிடம் 2-3 என்ற கேம் கணக்கில் இந்திய தோல்வியடைந்தது.
கலப்பு இரட்டைர்கள் எம்.ஆர்.அர்ஜுன்-ருதபர்ணா பாண்டா, 16-21, 13-21 என சிங்கப்பூரின் டேனி பவா, டேன்வெய் ஹேனிடம் தோற்றனர்.
ஆடவர் ஒற்றையர் பிரிவில் பிரணாய் 21-8, 12-21. 21-17 என கீயன் லோவை வீழ்த்தினார். இரட்டையர் பிரிவில் அர்ஜுன்-ஷிலோக் இணை 21-16, 21-18 என்ற கேம் கணக்கில் லோ கீயன்-கிறிஸ்டனாவை வீழ்த்தனர். எனினும் மகளிர் இரட்டையர் பிரிவில் ஆரத்தா சாரா-பாண்டா இணை 22-24, 21-15, 21-16 என்ற கேம் கணக்கில் புத்ரி சரி-லிம் மிங் இணையிடம் தோல்வியுற்றது. மகளிர் ஒற்றையர் பிரிவில் இளம் வீராங்கனை அஸ்மிதா சாஹிலியா 21-17, 12-21, 16-21 என ஜியா மின்னிடம் போராடி தோல்வியுற்றார்.
முன்னணி நட்சத்திரங்கள் பங்கேற்காத நிலையில் இந்தியா தோல்வியை சந்தித்தது. அடுத்து கட்டாயம் வெல்லவேண்டிய  ஆட்டத்தில் சீன தைபேவை எதிர்கொள்கிறது.