இலங்கைக்கு எதிரான டி20 தொடர்: ஆஸி. வேகப்பந்துவீச்சாளர் விலகல்!

ஆஸ்திரேலியா - இலங்கை அணிகளுக்கு இடையிலான டி20 தொடர் நாளை முதல் தொடங்குகிறது. முதல் டி20 ஆட்டம் அடிலெய்டில் நடைபெறுகிறது. 

இந்நிலையில் காயம் காரணமாக ஆஸி. வேகப்பந்துவீச்சாளர் ஆண்ட்ரூ டை, டி20 தொடரிலிருந்து விலகியுள்ளார். இந்தத் தொடருக்குப் பிறகு நடைபெறவுள்ள பாகிஸ்தானுக்கு எதிரான டி20 தொடரிலும் ஆண்ட்ரூ டை-யால் பங்கேற்க முடியாது எனத் தெரிகிறது. முதல் டி20 ஆட்டம் முடிந்த பிறகே ஆண்ட்ரூ டை-க்குப் பதிலான மாற்று வீரரின் பெயர் அறிவிக்கப்படவுள்ளது.