அடுத்த மாதம், இந்தியாவுக்குச் சுற்றுப்பயணம் செய்யும் வங்கதேச அணி 3 டி20 மற்றும் 2 டெஸ்ட் கொண்ட தொடர்களில் விளையாடுகிறது. டி20 தொடர் நவம்பர் 3 அன்று தொடங்கி நவம்பர் 10 அன்று நிறைவுபெறுகிறது. டெஸ்ட் தொடர் நவம்பர் 14 அன்று தொடங்கி நவம்பர் 26 அன்று நிறைவுபெறுகிறது. 

இந்நிலையில் பிரபல வங்கதேச வீரர் தமிம் இக்பால் இந்தியாவுக்கு எதிரான தொடர்களிலிருந்து விலகியுள்ளார். மனைவிக்கு இரண்டாம் குழந்தை விரைவில் பிறக்கவிருப்பதால் அந்தச் சமயத்தில் தான் உடன் இருக்கவேண்டும் என்பதற்காக அவர் டி20, டெஸ்ட் தொடர்களிலிருந்து விலகியுள்ளார். 

இதையடுத்து மற்றொரு இடக்கை பேட்ஸ்மேனான இம்ருல் கைஸ் வங்கதேச அணியில் சேர்க்கப்பட்டுள்ளார்.