முதல் டெஸ்டில் 85-வது இடம்; 12-வது டெஸ்ட் முடிவில் 3-ம் இடம்: மேலே மேலே செல்லும் பும்ரா!

பும்ராவின் வளர்ச்சியை ஐசிசி டெஸ்ட் பந்துவீச்சுத் தரவரிசைப் பட்டியல் அழகாக எடுத்துரைக்கிறது.

கடந்த வருடம் ஜனவரி மாதம் தென் ஆப்பிரிக்காவுக்கு எதிராக டெஸ்டில் அறிமுகமானார் பும்ரா. அன்று ஆரம்பித்த அவருடைய டெஸ்ட் பயணம், நாளுக்கு நாள் அபாரமான முன்னேற்றத்தைக் கண்டுள்ளது. இதுவரை 12 டெஸ்டுகளில் விளையாடியுள்ள பும்ரா, 62 விக்கெட்டுகள் எடுத்துள்ளார். 5 தடவை 5 விக்கெட்டுகளை வீழ்த்தியுள்ளார்.

முதல் டெஸ்டின் முடிவில் ஐசிசி டெஸ்ட் பந்துவீச்சுத் தரவரிசையில் 85-வது இடத்தைப் பெற்றார் பும்ரா. இப்போது 12-வது டெஸ்டின் முடிவில் அவர் 3-ம் இடத்துக்கு முன்னேறியுள்ளார். ஒவ்வொரு டெஸ்டின் முடிவிலும் அவர் படிப்படியாக வளர்ந்திருக்கிறார்.

முதல் டெஸ்ட் - தரவரிசையில் 85வது இடம்
2வது டெஸ்ட் - 67
3வது டெஸ்ட் - 42
4வது டெஸ்ட் - 38
5வது டெஸ்ட் - 38
6வது டெஸ்ட் - 38
7வது டெஸ்ட் - 33
8வது டெஸ்ட் - 28
9வது டெஸ்ட் - 16
10வது டெஸ்ட் - 16
11வது டெஸ்ட் - 7
12வது டெஸ்ட் - 3