ஆஸ்திரேலியா - வங்கதேசம் அணிகளுக்கு இடையிலான டெஸ்ட் தொடர் ஒத்திவைக்கப்பட்டுள்ளது.

சீனாவின் வூஹான் நகரிலிருந்து பரவத் தொடங்கிய கரோனா வைரஸ் தற்போது உலகையே அச்சுறுத்தி வருகிறது. உலகம் முழுவதும் பரவியுள்ள இந்த வைரஸால் இதுவரை 95,000-க்கும் மேற்பட்டோா் உயிரிழந்துவிட்டனா். இந்தியாவைப் பொறுத்தவரை இதுவரை 6,400 பேருக்கு மேல் இந்த வைரஸின் பாதிப்பு உறுதி செய்யப்பட்டுள்ளது.

கரோனா அச்சுறுத்தலால் பல்வேறு கிரிக்கெட் போட்டிகள் ஒத்திவைக்கப்பட்டுள்ளன. இந்நிலையில் ஜுன் மாதம் நடைபெறுவதாக இருந்த ஆஸ்திரேலியா - வங்கதேசம் அணிகளுக்கு இடையிலான டெஸ்ட் தொடர் ஒத்திவைக்கப்பட்டுள்ளது. ஜுன் 11 முதல் இரு டெஸ்டுகள் கொண்ட டெஸ்ட் தொடர் நடைபெறுவதாக இருந்தது. நிலைமை சீரான பிறகு டெஸ்ட் தொடர் நடைபெறும் தேதிகள் பின்னர் தெரிவிக்கப்படும் என அறிவிக்கப்பட்டுள்ளது.

உலக டெஸ்ட் சாம்பியன்ஷிப் போட்டியில் ஆஸ்திரேலியா 296 புள்ளிகளுடன் 2-ம் இடத்தில் உள்ளது. புள்ளிகள் எதுவுமின்றி 9-வது இடத்தில் உள்ளது வங்கதேச அணி.