காயம் காரணமாக நேற்று பயிற்சியில் ஈடுபடாத ஆஸி. பேஸ்மேன் ஸ்டீவ் ஸ்மித், தனது பயிற்சியை மீண்டும் தொடங்கியுள்ளார்.

ஆஸ்திரேலியாவுக்குச் சுற்றுப்பயணம் மேற்கொண்டுள்ள இந்திய அணி, டெஸ்ட், ஒருநாள், டி20 தொடா்களில் விளையாடுகிறது. ஆஸ்திரேலியாவுக்கு எதிரான ஒருநாள் தொடரை 1-2 எனத் தோற்றது இந்திய அணி. எனினும் டி20 தொடரை 2-1 என வென்றது.

நாளை முதல் டெஸ்ட் தொடர் தொடங்குகிறது. இதற்கான இந்திய அணி அறிவிக்கப்பட்டுள்ளது. ரிஷப் பந்த், ஷுப்மன் கில் ஆகியோர் இந்திய அணியில் இடம்பெறவில்லை.

இந்நிலையில் முதுகு வலி காரணமாக ஸ்டீவ் ஸ்மித் நேற்று பயிற்சியில் கலந்துகொள்ளவில்லை. இதனால் முதல் டெஸ்டில் அவர் பங்கேற்பாரா என்கிற சந்தேகம் ஏற்பட்டது. எனினும் சக வீரர்களுடன் இணைந்து இன்று பயிற்சியில் ஈடுபட்டுள்ளார் ஸ்மித் . இதனால் முதல் டெஸ்டில் அவர் பங்கேற்பது உறுதியாகியுள்ளது.