சர்வதேச ஒருநாள் கிரிக்கெட்டில் 9000 ரன்கள் என்ற மைல்கல்லை ரோஹித் சர்மா எட்டியுள்ளார்.
இந்தியா, ஆஸ்திரேலியா அணிகளுக்கிடையிலான 3-வது ஒருநாள் கிரிக்கெட் ஆட்டம் பெங்களூருவில் நடைபெற்று வருகிறது. இதில், டாஸ் வென்று முதலில் பேட் செய்த ஆஸ்திரேலிய அணி நிர்ணயிக்கப்பட்ட 50 ஓவர்கள் முடிவில் 9 விக்கெட்டுகளை இழந்து 286 ரன்கள் எடுத்துள்ளது.
இதையடுத்து, வெற்றி இலக்கை நோக்கி இந்திய அணி களமிறங்கியது. இந்த இன்னிங்ஸின் இரண்டாவது பந்தில் இரண்டு ரன்கள் எடுத்த ரோஹித் சர்மா சர்வதேச ஒருநாள் கிரிக்கெட்டில் 9000 ரன்கள் என்ற மைல்கல்லை எட்டினார்.
இதன்மூலம் குறைந்த இன்னிங்ஸில் 9000 ரன்களை எட்டிய வீரர்கள் வரிசையில் கங்குலியைப் பின்னுக்குத் தள்ளி ரோஹித் சர்மா 3வது இடத்துக்கு முன்னேறியுள்ளார்.
குறைந்த இன்னிங்ஸில் 9000 ரன்களை எட்டிய வீரர்கள்:
விராட் கோலி - 194 இன்னிங்ஸ்
ஏபி டி வில்லியர்ஸ் - 205 இன்னிங்ஸ்
ரோஹித் சர்மா - 217 இன்னிங்ஸ்
சௌரவ் கங்குலி - 228 இன்னிங்ஸ்
சச்சின் டெண்டுல்கர் - 235 இன்னிங்ஸ்