மெர்போர்னில் நடைபெற்று வரும் ஆஸ்திரேலிய ஓபன் போட்டியில் முன்னணி வீரர் ரஃபேல் நடால் காலிறுதிச் சுற்றுக்கு முன்னேறியுள்ளார்.

தனது 20-வது கிராண்ட்ஸ்லாம் பட்டத்தை வெல்ல எண்ணும் நடால், 4-வது சுற்றில் பப்லோ பஸ்டாவை  6-1, 6-2, 6-4 என நேர் செட்களில் எளிதாக வென்று காலிறுதிச் சுற்றுக்கு முன்னேறினார். 

கடந்த மூன்று வருடங்களில் 5 கிராண்ட்ஸ்லாம் பட்டங்களை வென்றுள்ள நடால், ஆஸ்திரேலிய ஓபன் போட்டியை இதுவரை ஒரே ஒரு முறை, 2009-ல், வென்றுள்ளார். பிரெஞ்சு ஓபன் போட்டியை 12 தடவையும் விம்பிள்டனை 2 தடவையும் யு.எஸ். ஓபனை 4 தடவையும் வென்றுள்ளார்.