செய்திகள்

டி20 உலகக்கோப்பை அட்டவணை வெளியீடு: அக். 24-இல் இந்தியா-பாகிஸ்தான் மோதல்

டி20 உலகக் கோப்பை போட்டிகளுக்கான அட்டவணையை செவ்வாய்க்கிழமை காலை சர்வதேச கிரிக்கெட் வாரியம் வெளியிட்டது.

DIN

டி20 உலகக் கோப்பை போட்டிகளுக்கான அட்டவணையை செவ்வாய்க்கிழமை காலை சர்வதேச கிரிக்கெட் வாரியம் வெளியிட்டது.

டி20 உலகக் கோப்பை - ஐக்கிய அரபு அமீரகம் மற்றும் ஓமனில் அக்டோபர் 17 முதல் நவம்பர் 14 வரை நடைபெறுகிறது. துபை, அபு தாபி, ஷார்ஜா, ஓமன் என நான்கு பகுதிகளில் டி20 உலகக் கோப்பை நடைபெறவுள்ளது. இந்தியாவில் நடத்தப்படவிருந்த டி20 உலகக் கோப்பை போட்டி, கரோனா சூழல் காரணமாக ஐக்கிய அரபு அமீரகத்துக்கு மாற்றப்பட்டுள்ளது.

இந்நிலையில், டி20 உலகக்கோப்பை போட்டிக்கான அட்டவணையை ஐசிசி இன்று வெளியிட்டுள்ளது. சூப்பர் 12 சுற்றில் குரூப் 1 மற்றும் குரூப் 2 என இரண்டு குழுக்களாக பிரிந்து மொத்தம் 12 அணிகள் விளையாடவுள்ளன.

இதில், குரூப் 1இல் ஆஸ்திரேலியா, தென் ஆப்ரிக்கா, இங்கிலாந்து, மேற்கு இந்தியா உள்ளிட்ட அணிகளும், குரூப் 2இல் இந்தியா, பாகிஸ்தான், ஆப்கானிஸ்தான், நியூஸிலாந்து உள்ளிட்ட அணிகளும் மோதவுள்ளன.

முதல் அரையிறுதி அபுதாபியில் நவம்பர் 10ஆம் தேதியும், இரண்டாம் அரையிறுதி துபையில் நவம்பர் 11ஆம் தேதியும், இறுதிப் போட்டி துபையில் நவம்பர் 14ஆம் தேதியும் நடைபெறவுள்ளன.

மேலும் சூப்பர் 12 சுற்றில், இந்திய அணி அக். 24இல் பாகிஸ்தான், அக்.31இல் நியூஸிலாந்து, நவ.3இல் ஆப்கானிஸ்தான் மற்றும் நவ.5இல் தகுதிச் சுற்றில் தகுதி பெறும் அணியுடன் மோதவுள்ளது. 

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads

உடனுக்குடன் செய்திகளை அறிய தினமணி App பதிவிறக்கம் செய்யவும்.

இருசக்கர வாகனம் ஓட்டிய சிறுவா்களின் பெற்றோருக்கு ரூ.25,000 அபராதம்!

வெளிமாநிலத்தவருக்கு தமிழகத்தில் வாக்காளா் அட்டை வழங்கக்கூடாது

சம்பட்டிமடை கிராமத்துக்கு சாலை அமைக்காததைக் கண்டித்து போராட்டம் நடத்த கிராம மக்கள் முடிவு

கிராம சபைக் கூட்டத்தை புறக்கணித்து பொதுமக்கள் சாலை மறியல்

முதிய தம்பதியை தாக்கி கொள்ளை: இருவா் கைது

SCROLL FOR NEXT