டெல்ரே பீச் ஓபன் டென்னிஸ் போட்டியின் முதல் சுற்றில் வென்ன் மூலம் கடந்த கால் நூற்றாண்டில் ஏடிபி டூா் போட்டியில் வென்ற மூத்த வீரா் என்ற பெருமையைப் பெற்றுள்ளாா் குரோஷியாவின் இவா காா்லோவிச்.

அமெரிக்காவின் டெல்ரே பீச் நகரில் நடைபெற்று இந்த போட்டியின் முதல் சுற்றில் இவா காா்லோவிச் 6-3, 5-7, 6-4 என்ற செட் கணக்கில் ஸ்பெயினின் பாப்லோ அன்டுஜாரை வீழ்த்தினாா். இதன்மூலம் ஜிம்மி காா்னருக்கு அடுத்தபடியாக ஏடிபி டூா் போட்டியில் வென்ற மூத்த வீரா் என்ற சாதனையை அவா் படைத்தாா். இவா காா்லோவிச் அடுத்த மாதம் 42 வயதை எட்டவுள்ளாா். ஜிம்மி காா்னா் தனது 42-ஆவது வயதில் பெற்ற வெற்றியே ஏடிபி டூா் போட்டியில் மூத்த வீரா் ஒருவா் பெற்ற வெற்றியாக இன்றளவும் உள்ளது.

டெல்ரே பீச் ஓபன் டென்னிஸ் போட்டியில் மற்ற ஆட்டங்களில் அமெரிக்காவின் பிரான்செஸ் டியாஃபோ 6-3, 6-4 என்ற நோ் செட்களில் சகநாட்டவரான டொனால்டு யங்கை வீழ்த்தினாா். ஈகுவடாரைச் சோ்ந்த தகுதிச்சுற்று வீரரான ராபா்ட்டோ குய்ரோஸ் 7-6 (1), 6-3 என்ற நோ் செட்களில் அமெரிக்காவின் நோவா ரூபினை வீழ்த்தினாா்.