ஆஸ்திரேலியாவுக்கு எதிரான டெஸ்ட் தொடரைக் கைப்பற்றிய இந்தியக் கிரிக்கெட் அணியின் உணர்வுப்பூர்வமானத் தருணங்கள் அடங்கிய விடியோ வெளியாகியுள்ளது.

ஆஸ்திரேலியாவுக்கு எதிரான 4 ஆட்டங்கள் கொண்ட டெஸ்ட் தொடரை பிரதான டெஸ்ட் வீரர்கள் இல்லாத இந்தியக் கிரிக்கெட் அணி 2-1 என்ற கணக்கில் கைப்பற்றி வரலாற்றுச் சாதனை படைத்துள்ளது. இந்தியா, ஆஸ்திரேலியா மட்டுமின்றி ஒட்டுமொத்த கிரிக்கெட் உலகின் கவனத்தையும் இந்த டெஸ்ட் ஆட்டம் ஈர்த்துள்ளது.

இந்திய வீரர்களின் சாதனையை ஜாம்பவான்கள், ரசிகர்கள் எனப் பலரும் பாராட்டி கொண்டாடி வருகின்றனர்.

பலம் வாய்ந்த ஆஸ்திரேலிய அணியை ஆஸ்திரேலிய மண்ணில் வைத்து, பிரதான வீரர்கள் இல்லாமல் வீழ்த்தியிருப்பது இந்தியக் கிரிக்கெட்டுக்கும், கிரிக்கெட் ரசிகர்களுக்கும் உணர்வுப்பூர்வமானதாக அமைந்துள்ளது.

வெற்றியை நெருங்கி வந்த திக் திக் நிமிடங்கள் முதல் வெற்றிக்குப் பிந்தைய கொண்டாட்டங்கள் வரை அனைத்து உணர்வுப்பூர்வமானத் தருணங்களையும் கிரிக்கெட் ஆஸ்திரேலியாவின் கேமிராக்கள் கச்சிதமாகப் படம்பிடித்து உணர்வுப்பூர்வமான விடியோவாக வெளியிட்டுள்ளது.

விடியோ காண: https://fb.watch/36JxqLgvpF/