தோனி சாதனையை முறியடித்தார் ஆப்கானிஸ்தான் கேப்டன்

இந்திய கிரிக்கெட் அணியின் முன்னாள் கேப்டன் மகேந்திர சிங் தோனியின் சாதனையை ஆப்கானிஸ்தான் கேப்டன் அஸ்கார் அப்கான் சனிக்கிழமை முறியடித்தார்.

ஆப்கானிஸ்தான், ஜிம்பாப்வே அணிகளுக்கிடையிலான 3-வது டி20 ஆட்டம் அபுதாபியில் நடைபெற்றது. இதில் ஆப்கானிஸ்தான் அணி 47 ரன்கள் வித்தியாசத்தில் வெற்றி பெற்றது. இது சர்வதேச டி20 கிரிக்கெட்டில் ஆப்கானிஸ்தான் கேப்டன் அப்கானின் 42-வது வெற்றி.

இதன்மூலம், சர்வதேச டி20 கிரிக்கெட்டில் அதிக வெற்றிகளைப் பெற்ற கேப்டன்கள் வரிசையில் தோனியின் 41 வெற்றிகளைத் தாண்டியுள்ளார்.

இந்த வரிசையில் இயான் மார்கன் 33 வெற்றிகளுடன் 3-வது இடத்தில் உள்ளார். பாகிஸ்தானின் சர்பிராஸ் அகமது 29 வெற்றிகளுடன் 4-வது இடத்தில் உள்ளார்.