டி20 கிரிக்கெட் : 11,000 ரன்களைக் கடந்து 2-ஆம் இடம் பிடித்த பொலார்ட் 

மேற்கிந்திய அணியைச் சேர்ந்த ஆல்-ரவுண்டர் கைரன் பொலார்ட் டி20 கிரிக்கெட் போட்டிகளில் 11,000 ரன்களைக் கடந்த 2வது வீரராக சாதனை படைத்திருக்கிறார்.

டி20 கரிபியன் பிரிமியர் லீக் போட்டிகள் நடந்து வரும் நிலையில் நேற்று (ஆக-31) டிரின்பகோ நைட் ரைடர்ஸ் சார்பில் களமிறங்கிய பொலார்ட் 41 ரன்களை அடித்த நிலையில் அதிவேகமாக 11,000 ரன்களைக் கடந்த இரண்டாவது  பேட்ஸ்மேனாக மாறியுள்ளார்.

இதையும் படிக்க | உயரம் தாண்டி உயரம் தொடும் மாரியப்பன் தங்கவேலு

முன்னதாக அதே மேற்கிந்திய அணியைச் சேர்ந்த கிறிஸ் கைல் 14,108 ரன்களைக் குவித்து முதலிடத்தில் இருக்கிறார்.  இரண்டாவது பொலார்ட் , மூன்றாம் இடத்தில் பாகிஸ்தானைச் சேர்ந்த சோயிப் மாலிக் , நான்காம் இடத்தில் ஆஸ்திரேலியாவைச் சேர்ந்த டேவிட் வார்னர் ஆகியோர் அதிக ரன்களைக் குவித்த பட்டியலில் இடம் பிடித்திருக்கிறார்கள்.

மேலும் சிறந்த ஆல்-ரவுண்டரான கைரன் பொலார்ட் இதுவரை டி20 போட்டிகளில் 11,000 ரன்களைக்  குவித்ததோடு 297 விக்கெட்களையும் வீழ்த்தியிருக்கிறார் என்பது குறிப்படத்தக்கது.