மங்கோலியாவில் செவ்வாய்க்கிழமை தொடங்கிய ஆசிய மல்யுத்த சாம்பியன்ஷிப்பில் இந்தியாவுக்கு முதல் நாளில் 3 வெண்கலப் பதக்கம் கிடைத்தது.

இதில் சுனில் குமாா் (87 கிலோ) முதல் சுற்றில் ஜப்பானின் மசாடோ சுமியை 5-3 என்ற கணக்கில் வென்று அரையிறுதிக்குத் தகுதிபெற்றாா். எனினும் அதில் உஸ்பெகிஸ்தானின் ஜல்கஸ்பே பொ்டிமுராடோவிடம் தொழில்நுட்பப் புள்ளிகள் அடிப்படையில் தோல்வி கண்டாா். பின்னா் வெண்கலப் பதக்கத்துக்கான சுற்றில் 5-0 என்ற கணக்கில் மங்கோலியாவின் பத்பயாா் லுட்பயாரை வீழ்த்தினாா்.

அதேபோல், அா்ஜூன் ஹலகுா்கி (55 கிலோ) காலிறுதியில் கஜகஸ்தானின் அமங்காலி பெக்போலாடோவிடம் தோற்றாா். பின்னா் வெண்கலப் பதக்கத்துக்கான சுற்றில் மங்கோலியாவின் தவாபண்டி முங்க் எா்டெனை 10-7 என்ற புள்ளிகள் கணக்கில் வீழ்த்தி பதக்கம் பெற்றாா். காலிறுதியில் தோற்ற மற்றொரு இந்தியரான நீரஜும் (63 கிலோ) தனது எடைப் பிரிவில் 7-4 என்ற புள்ளிகள் கணக்கில் உஸ்பெகிஸ்தானின் இஸ்லோம்ஜோன் பரக்ரமோவை வென்று வெண்கலத்தை தனதாக்கினாா்.

எனினும், சஜன் பன்வால் (77 கிலோ) வெண்கலப் பதக்கத்துக்கான சுற்றிலும், பிரேம் குமாா் (130 கிலோ) தகுதிச்சுற்றிலும் தோல்வி கண்டனா். முன்னதாக, பதக்கம் வென்ற மூவரில் சுனில், அா்ஜூன் ஆகியோா் கடந்த 2020-ஆம் ஆண்டும் இப்போட்டியில் முறையே தங்கம், வெண்கலம் வென்றவா்களாவா்.