காயம் காரணமாக விம்பிள்டன் அரையிறுதி ஆட்டத்தில் இருந்து விலகினாா் ஜாம்பவான் ரபேல் நடால். ஆஸ்திரேலிய வீரா் நிக் கிா்ஜியோஸுக்கு எதிரான அரையிறுதியில் அவா் ஆடுவதாக இருந்தது.

அமெரிக்க வீரா் டெய்லா் ஃப்ரிட்ஸுக்கு எதிரான காலிறுதிச் சுற்று 5 செட்கள் ஆட்டமாக அமைந்தது. அதில் கடுமையாக போராடி வென்ற நடாலுக்கு அடி வயிற்றில் காயம் ஏற்பட்டது. அவருக்கு நடத்தப்பட்ட மருத்துவ சோதனையில் 7 மி.மீ அளவுக்கு அடிவயிற்றில் காயம் ஏற்பட்டிருந்தது.

இதனால் அரையிறுதி ஆட்டத்தில் ஆடாமல் தான் விலகுவதாக அறிவித்துள்ளாா் நடால். நிகழாண்டில் இரு கிராண்ட்ஸ்லாம் சாம்பியன் பட்டங்களை அவா் வென்றிருந்தாா் என்பது குறிப்பிடத்தக்கது.