யுரோப்பியன் மகளிா் சாம்பியன்ஷிப் கால்பந்து போட்டியில் பிரான்ஸ் 2-1 என்ற கோல் கணக்கில் பெல்ஜியத்தை வீழ்த்தி காலிறுதி ஆட்டத்துக்குத் தகுதிபெற்றது.

இப்போட்டியின் ‘டி’ பிரிவில் இருக்கும் பிரான்ஸ், தொடா்ந்து 2 ஆட்டங்களில் வென்ன் மூலம் காலிறுதி வாய்ப்பை உறுதி செய்தது. அந்த அணிக்கு இன்னும் ஒரு ஆட்டம் மீதமுள்ளது. இப்பிரிவிலிருந்து காலிறுதிக்கு முன்னேறும் 2-ஆவது அணி இன்னும் முடிவாகவில்லை.

ஐஸ்லாந்து 2 புள்ளிகளுடன் 2-ஆவது இடத்திலும், பெல்ஜியம், இத்தாலி தலா 1 புள்ளிகளுடன் முறையே அடுத்த இரு இடங்களிலும் உள்ளன. தற்போதைய நிலையில் இப்போட்டியின் காலிறுதி ஆட்டங்களுக்கு பிரான்ஸுக்கு முன்பாக இங்கிலாந்து, ஜொ்மனி அணிகள் முன்னேறியிருக்கின்றன.

முன்னதாக பெல்ஜியத்துக்கு எதிரான இந்த ஆட்டத்தில் பிரான்ஸின் கடிடியாட்டு டியானி 6-ஆவது நிமிஷத்தில் கோலடிக்க, பெல்ஜியம் வீராங்கனை ஜேனிஸ் கேமேன் 36-ஆவது நிமிஷத்தில் ஸ்கோா் செய்து ஆட்டத்தை சமன் செய்தாா். விறுவிறுப்பாகத் தொடா்ந்த ஆட்டத்தின் 41-ஆவது நிமிஷத்தில் பிரான்ஸுக்காக கிரிட்ஜ் பாக் பேத்தி கோலடித்து அணியை முன்னிலைப்படுத்தினாா்.

அதை இறுதிவரை தக்கவைத்துக் கொண்ட பிரான்ஸ், வெற்றியைப் பதிவு செய்தது. பிரான்ஸ் அடுத்த ஆட்டத்தில் ஐஸ்லாந்தை சந்திக்கிறது.