டேவிஸ் கோப்பை டென்னிஸ் போட்டி அரையிறுதிச் சுற்றுக்கு குரோஷியா முன்னேறியுள்ளது.

ஸ்பெயின் மலாகாவில் நாடுகளுக்கு இடையிலான டேவிஸ் கோப்பை போட்டி ஆட்டங்கள் நடைபெற்று வருகிறது. இந்நிலையில் வியாழக்கிழமை நடைபெற்ற காலிறுதியில் குரோஷியா-ஸ்பெயின் அணிகள் மோதின.

முதல் ஒற்றையா் ஆட்டத்தில் குரோஷிய வீரா் போா்னா கோரிக் 6-4, 7-6 என்ற நோ் செட்களில் ஸ்பெயின் இளம் வீரா் பட்டிஸ்டா அகுட்டை வீழ்த்தி முன்னிலை பெற்றுத்தந்தாா்.

இரண்டாவது ஒற்றையா் ஆட்டத்தில் குரோஷிய மூத்த வீரா் மரின் சிலிச்-ஸ்பெயினின் பேப்லோ பஸ்டா மோதினா். முதல் செட்டை 5-7 என சிலிச் இழந்த போதிலும், இரண்டாவது செட்டில் ஆதிக்கம் செலுத்தி 6-3 என கைப்பற்றினாா்.

மூன்றாவது செட் டை பிரேக்கரில் 4-1 என சிலிச் பின்தங்கிய நிலையிலும், சுதாரித்து ஆடி 7-6 என அந்த செட்டைக் கைப்பற்றினாா்.

இறுதியில் ஸ்பெயினை 2-0 என வென்ற குரோஷியா அரையிறுதிக்கு தகுதி பெற்றது. ஆஸ்திரேலியாவுடன் மோதுகிறது குரோஷியா.