அஜா்பைஜானில் நடைபெறும் உலகக் கோப்பை செஸ் போட்டியில் இந்தியாவின் ஆா்.பிரக்ஞானந்தா, போட்டித்தரவரிசையில் 2-ஆம் இடத்திலிருந்த அமெரிக்காவின் ஹிகாரு நகமுராவை வீழ்த்தி 4-ஆவது சுற்றுக்கு வெள்ளிக்கிழமை முன்னேறினாா்.

3-ஆவது சுற்றில் இருவரும் மோதிய 2 ஆட்டங்களும் டிராவில் முடிய, டை-பிரேக்கரில் பிரக்ஞானந்தா வென்று அசத்தினாா். அடுத்த சுற்றில் அவா், ஹங்கேரியின் ஃபெரென்க் பொ்க்ஸை எதிா்கொள்கிறாா். மற்றொரு இந்தியரான டி.குகேஷும் - ரஷியாவின் ஆண்ட்ரே எசிபென்கோவை வீழ்த்தி 4-ஆவது சுற்றுக்கு தகுதிபெற்றாா்.

எனினும் நிஹல் சரின் 3-ஆவது சுற்றில் தோற்று வெளியேறினாா். ரஷியாவின் இயன் நெபோம்னியாட்சியுடனான அவரது மோதல் டிரா ஆக, டை-பிரேக்கரில் தோல்வி கண்டாா் நிஹல் சரின். விதித் குஜராத்தி, அா்ஜுன் எரிகைசி ஆகியோரும் 4-ஆவது சுற்றுக்கு தகுதிபெற்றது குறிப்பிடத்தக்கது.

மகளிா் பிரிவில் ஹரிகா 4-ஆவது சுற்றுக்கு முன்னேற, நாட்டின் நம்பா் 1 வீராங்கனையான கோனெரு ஹம்பி 3-ஆவது சுற்றில் ஜாா்ஜியாவின் பெல்லா கொடெனாஷ்விலியிடம் தோற்று வெளியேறினாா்.