உலகக்கோப்பை ஹாக்கித் தொடரில் இந்தியா தனது முதல் ஆட்டத்தில் ஸ்பெயினை 2-0 என்ற கோல் கணக்கில் வீழ்த்தி அபார வெற்றி பெற்றது. 

சா்வதேச ஹாக்கி சம்மேளனம் நடத்தும் 15-ஆவது ஆடவா் உலகக் கோப்பை ஹாக்கி போட்டியின் ஆட்டங்கள் வெள்ளிக்கிழமை தொடங்கியது. இதில் இந்தியா - ஸ்பெயின் மோதும் ஆட்டம், உலகின் மிகப்பெரிய ஹாக்கி மைதானமான ரூா்கேலாவில் உள்ள பிா்சா முண்டா மைதானத்தில் இன்று இரவு 7 மணிக்கு நடைபெற்றது. 

இதையும் படிக்க- ஒருநாள் கிரிக்கெட்டில் அசத்தி வரும் சிராஜ்!

விறுவிறுப்பாக நடைபெற்ற இந்த போட்டியில் ஆட்டத்தின் 12வது நிமிடத்திலும், 26வது நிமிடத்திலும் இந்திய அணி கோல் அடித்து முன்னிலைப் பெற்றது. அதேசமயம் ஸ்பெயின் அணியினர் கோல் அடிக்க எடுத்த முயற்சிகள் அனைத்தையும் இந்திய அணியினர் முறியடித்தனர். 

இறுதியில் இந்திய அணி 2-0 என்ற கோல் கணக்கில் ஸ்பெயினை வீழ்த்தி தனது முதல் வெற்றியைப் பதிவு செய்தது.