உலகக்கோப்பை ஹாக்கி இறுதிப் போட்டியில் பெல்ஜியத்தை வீழத்தி ஜெர்மனி அணி சாம்பியன் பட்டம் வென்றுள்ளது. 

உலகக்கோப்பை ஹாக்கி தொடரின் இறுதிப் போட்டி ஒடிஸா மாநிலம், புவனேசுவரத்தில் இன்று நடைபெற்றது. இதில் பெல்ஜியம், ஜெர்மனி அணிகள் பலப்பரீட்சை நடத்தின.

இதையும் படிக்க- யு-19 மகளிா் உலகக் கோப்பை டி20: இந்தியா சாம்பியன் 

விறுவிறுப்பாக நடைபெற்ற இந்த போட்டியில் வழக்கமான நேரத்தில் இரு அணிகளும் தலா 3 கோல்கள் அடித்ததால் போட்டி சமநிலையில் இருந்தது. 

இதனால் போட்டியில் பெனால்டி ஷூட் அவுட் வாய்ப்பு கடைப்பிடிக்கப்பட்டது.

இறுதியில் 5-4 என்ற கோல் கணக்கில் பெல்ஜியத்தை வீழத்தி ஜெர்மனி சாம்பியன் பட்டம் வென்றது. இந்த வெற்றியின் மூலம் உலகக்கோப்பை ஹாக்கியில் 3ஆவது முறையாக சாம்பியன் பட்டம் வென்று ஜெர்மனி அசத்தியுள்ளது.