டபிள்யுபிஎல் போட்டியில் 5-வது வெற்றியைப் பெற்று பிளேஆஃப் சுற்றுக்குத் தகுதியடைந்துள்ளது ஹர்மன்ப்ரீத் தலைமையிலான மும்பை இந்தியன்ஸ் அணி. இந்த நிலையை அடைந்த முதல் அணி என்பதோடு இந்த வருட டபிள்யுபிஎல் போட்டியில் 200 ரன்களுக்கு உட்பட்ட ஸ்கோரைத் தற்காத்துக் கொண்ட முதல் அணியாகவும் உள்ளது. 

குஜராத்துக்கு எதிரான நேற்றைய ஆட்டத்தில் முதலில் பேட்டிங் செய்த மும்பை அணி, 162/8 ரன்கள் எடுத்தது. பிறகு பேட்டிங் செய்த குஜராத் அணி, 107/9 ரன்கள் எடுத்துத் தோற்றது. 

இந்த வருட டபிள்யுபிஎல் போட்டி, மும்பை கேப்டன் ஹர்மன்ப்ரீத் கெளருக்கானது. நேற்றைய ஆட்டத்தில் 30 பந்துகளில் 51 ரன்கள் எடுத்து அணிக்கு வெற்றியைத் தேடித் தந்தார். 

டபிள்யுபிஎல் 2023: ஹர்மன்ப்ரீத் கெளர்

- 4 ஆட்டங்களில் 3 அரை சதங்கள்
- 3 சிறந்த வீராங்கனை விருதுகள்
- கேப்டனாக 5 ஆட்டங்களிலும் வெற்றி
 - 65, 11*, 53*, 51 என டபிள்யுபிஎல் போட்டியில் அசத்தல் பேட்டிங்