கடந்தாண்டு ஐபிஎல்-இல் புதிய அணியாக உதயமாகியது குஜராத் டைட்டன்ஸ் அணி. ஹர்திக் பாண்டியா தலைமையில் தனது முதல் ஐபிஎல் தொடரிலேயே கோப்பையையும் வென்று அசத்தியது. தற்போது புள்ளிப்பட்டியலில் முதலிடத்தில் இருப்பதும் இந்த அணிதான். 

இதையும் படிக்க: போட்டியில் பனிப்பொழிவு பெரிய தாக்கத்தை ஏற்படுத்தியது: தோல்வி குறித்து தோனி

இன்றைய ஐபிஎல் லீக் போட்டியில் சன் ரைசர்ஸ் ஹைதராபாத் அணியுடன் குஜராத் மோதுகிறது. இந்தப் போட்டியில் குஜராத் அணி லாவண்டர் (நீல இளஞ்சிவப்பு) நிற ஜெர்ஸியில் விளையாட உள்ளது. புற்றுநோய் குறித்த விழிப்புணர்வை ஏற்படுதத இவ்வாறு விளையாட உள்ளதாக அணி நிர்வாகம் தெரிவித்துள்ளது. 

இதையும் படிக்க: ஓடிவந்து தோனியிடம் ஆட்டோகிராஃப் வாங்கிய கவாஸ்கர்!

ஆர்சிபி சில போட்டிகளில் சுற்று சூழலை பாதுகாக்க வலியிறுத்தி பச்சை நிற ஜெர்சியில் விளையாடும். அதனை தொடர்ந்து குஜராத் அணியும் இப்படி நல்ல விஷயத்திற்காக விளையாடுவது பாராட்டுக்குரியதென கிரிக்கெட் ரசிகர்கள் கருத்து தெரிவித்து வருகின்றனர். 

இன்று மாலை 7.30 மணிக்கு குஜராத் மண்ணில் 9வது இடத்தில் இருக்கும் ஹைத்ராபாத் அணியுடன் ஹார்திக் பாண்டியா அணி மோதுகிறது.