நடிகை ராஷ்மிகா மந்தனா மீது ஈர்ப்பா?: இன்ஸ்டாவில் ஷுப்மன் கில் பதில்!

ராஷ்மிகா மந்தனா மீது தனக்கு ஈர்ப்பு உள்ளதாக வெளியான செய்தியை மறுத்துள்ளார் பிரபல பேட்டர் ஷுப்மன் கில். 

23 வயது ஷுப்மன் கில் இந்திய அணிக்காக 14 டெஸ்டுகள், 21 ஒருநாள், 6 டி20 ஆட்டங்களில் விளையாடியுள்ளார். அவரைப் பற்றி வெளியான செய்தி ஒன்றுக்குத் தனது பதிலை அளித்துள்ளார்.

தனக்கு நடிகை ராஷ்மிகா மந்தனா மீது ஈர்ப்பு உள்ளதாக செய்தியாளர் சந்திப்பு ஒன்றில் ஷுப்மன் கில் தெரிவித்ததாக ஊடகம் ஒன்று செய்தி வெளியிட்டு அதை இன்ஸ்டகிராமில் பதிவு செய்தது. அந்தப் பதிவில் பதிலளித்த ஷுப்மன் கில், எந்தச் செய்தியாளர் சந்திப்பு இது? எனக்கே இது என்னவென்று தெரியாதே எனக் கூறியுள்ளார்.